Impulsaremos liñas estables de cooperación da UVigo con entidades do asociacionismo, o terceiro sector e a administración local para abordar causas de interese público como inclusión, igualdade, saúde comunitaria, sustentabilidade, alfabetización dixital, cultura e cohesión social.
A colaboración basearase na achega de coñecemento, metodoloxía e apoio técnico universitario, sen competir coa actividade da empresa privada, con criterios claros de utilidade social, reciprocidade e devolución pública de resultados.
O obxectivo é reforzar o papel da UVigo como institución pública comprometida cos retos sociais do seu territorio.