Propoñeremos a actualización do Regulamento de estudantes para que a mobilización estudantil poida realizarse dentro das regras e con cobertura, e non “igual pero fóra da norma” por inviabilidade do procedemento.
En particular, reformaremos o paro académico, cuxo preaviso actual (15 días naturais) resulta excesivo para feitos sobrevidos de alto impacto social, e substituirémolo por un esquema máis practicable: un preaviso ordinario máis proporcionado e unha vía excepcional para situacións sobrevidas, con prazos abreviados pero razoables.
A actualización irá acompañada dunha guía operativa única e criterios comúns para garantir seguridade xurídica e igualdade de trato, incluíndo a protección do estudantado fronte a penalizacións inxustas e a coordinación académica necesaria cando as probas de avaliación coincidan cun paro recoñecido.
O obxectivo é compatibilizar dereitos e actividade docente, reducindo conflito e asegurando que as mobilizacións teñan garantías