Implantarase un modelo de xestión 4.0 que integra o mantemento preventivo e a resolución áxil de incidencias.
O sistema basearase nun inventario dixitalizado de activos (climatización, cubertas, equipos críticos) con calendarios de revisión públicos por edificio. Incorporará unha plataforma de comunicación directa para que a comunidade reporte necesidades de mellora en iluminación, sinalización, accesibilidade ou confort térmico, garantindo a trazabilidade total (desde o aviso ata a validación da solución).
Establecerase tamén un procedemento único de priorización en función do impacto no servizo, artellado coa canle corporativa de solicitudes e incidencias do programa para garantir trazabilidade extremo a extremo (alta, clasificación, compromiso de prazo, execución e validación). Para asegurar unha implantación eficaz, iniciarase un piloto nun conxunto de edificios de alta actividade en cada campus durante un semestre e, co aprendido, escalarase ao resto. Publicaranse indicadores sinxelos e comparables: tempo medio de resolución, incidencias recorrentes, cumprimento de prazos e custos evitados por prevención.
O obxectivo é pasar de “apagar lumes” a facer un mantemento con método para reducir interrupcións e gasto ineficiente.