Todas as
persoas,
un proxecto

Escríbeme

Medidas

colectivo: PTXAS

Medidas · colectivo: PTXAS

Campus de Pontevedra conectado, vivible e aberto: mellor mobilidade, mellores accesos e máis vida universitaria

Impulsaremos un plan de campus conectado, vivible e aberto, coordinado co Concello de Pontevedra e coas administracións competentes, que ordene actuacións prioritarias en accesibilidade, itinerarios peonís, iluminación, limpeza, seguridade percibida, mobilidade ciclista e humanización dos accesos
Colectivo: , , ,
Prazo:
Responsable: Vicerreitoría de Campus de Pontevedra, Vicerreitoría de Infraestruturas, Enerxía e Mobilidade

Gobernanza multicampus: coordinación institucional e capacidade operativa

A UVigo é unha institución multicampus con realidades académicas, sociais e territoriais diversas.
Colectivo: , , ,
Prazo:
Responsable: Vicerreitoría de Campus de Ourense, Vicerreitoría de Campus de Pontevedra, Xerencia

Plans Directores por Campus con carteira de actuacións por fases

Elaboraranse Plans Directores para Vigo, Pontevedra e Ourense cun horizonte de 6 anos e revisión anual. Cada plan incluirá unha carteira priorizada por fases e criterios públicos (seguridade, continuidade do servizo, accesibilidade, impacto enerxético e custo total).
Colectivo: , , ,
Prazo:
Responsable: Vicerreitoría de Campus de Ourense, Vicerreitoría de Campus de Pontevedra, Vicerreitoría de Infraestruturas, Enerxía e Mobilidade

Actualización do Plan Estratéxico do Campus Auga: da especialización declarada á excelencia

O Campus Auga necesita pasar dunha especialización valiosa pero dispersa a un proxecto común, esixente e gobernable.
Colectivo: , , ,
Prazo:
Responsable: Vicerreitoría de Campus de Ourense, Vicerreitoría de Investigación, Vicerreitoría de Transferencia, Innovación e Impacto Social

Ourense conecta: transferencia útil, emprego e cooperación estable co territorio

O Campus de Ourense necesita reforzar a súa relación co tecido produtivo e institucional para que a súa especialización teña máis retorno visible no territorio e máis oportunidades reais para o estudantado e para os equipos de investigación. Hoxe existen colaboracións valiosas, pero demasiado dispersas, dependentes de iniciativas individuais e sen unha programación anual recoñecible.
Colectivo: , , ,
Prazo:
Responsable: Vicerreitoría de Campus de Ourense, Vicerreitoría de Transferencia, Innovación e Impacto Social

Campus Auga internacional: captación de talento, proxectos europeos e alianzas estratéxicas

O Campus de Ourense precisa gañar ambición exterior para que a súa especialización non funcione só como identidade interna, senón tamén como plataforma de atracción de talento, captación competitiva e posicionamento internacional.
Colectivo: , , ,
Prazo:
Responsable: Vicerreitoría de Campus de Ourense, Vicerreitoría de Investigación, Vicerreitoría de Profesorado e Persoal Investigador

Campus real e compartido en Ourense: espazos comúns, identidade e vida universitaria

O Campus de Ourense necesita reforzar a súa condición de campus e non só de suma de centros. A experiencia universitaria mellora cando hai espazos recoñecibles de encontro, estudo, actividade compartida e vida académica máis alá da lóxica de cada facultade.
Colectivo: , , ,
Prazo:
Responsable: Vicerreitoría de Campus de Ourense, Vicerreitoría de Estudantes e Vida Universitaria, Vicerreitoría de Infraestruturas, Enerxía e Mobilidade

Programa Pontevedra CREA 2030: de marca de campus a plataforma de proxectos creativos con impacto

O Campus de Pontevedra precisa reforzar a súa identidade como campus especializado para pasar de ser unha suma de centros singulares a un proxecto recoñecible, cooperativo e con ambición exterior.
Colectivo: , , ,
Prazo:
Responsable: Vicerreitoría de Campus de Pontevedra, Vicerreitoría de Investigación, Vicerreitoría de Transferencia, Innovación e Impacto Social

Plan director de espazos estratéxicos do Campus de Pontevedra: ampliación, reorganización e residencia universitaria

O Campus de Pontevedra arrastra necesidades de espazo que xa non poden seguir tratándose a base de solucións parciais ou negociacións puntuais.
Colectivo: , , ,
Prazo:
Responsable: Vicerreitoría de Campus de Pontevedra, Vicerreitoría de Infraestruturas, Enerxía e Mobilidade

Proxecto académico UVigo 2032: menos catálogo, máis proxecto

Abriremos un proceso académico e participativo para definir, no horizonte 2032, que perfís formativos debe ofrecer a UVigo, que combinacións de coñecementos son prioritarias e como se articula a oferta docente como proxecto común de universidade.
Colectivo: , , ,
Prazo:
Responsable: Vicerreitoría de Docencia e Transformación Educativa, Vicerreitoría de Oferta Académica

Unha porta única: Oficina 360º de I+D+i como front office, estándar único e canle de incidencias

A UVigo implantará unha porta de entrada única para calquera actividade de I+D+i, que actúe como punto claro de acceso, orientación inicial, rexistro e seguimento das solicitudes, incluíndo unha canle única de incidencias para consultas e bloqueos ao longo do proceso.
Colectivo: , ,
Prazo:
Responsable: Xerencia

Un prazo: duración por trámite determinada, seguimento en tempo real e escalado automático en caso de atraso

Realizaremos un mapa dos trámites críticos e dos seus tempos reais (altas/contratos, sinaturas, compras, pagamentos e xustificación), identificando onde se producen os bloqueos.
Colectivo: , ,
Prazo:
Responsable: Xerencia

Un método: comités operativos PDI–PTXAS para pechar incidencias e despregar mellora continua

Crearemos comités operativos pequenos por ámbitos de tramitación (PDI + PTXAS, con presenza de Xerencia cando proceda) para identificar “puntos negros” e resolvelos con método.
Colectivo: ,
Prazo:
Responsable: Xerencia

Unha contratación laboral máis áxil en proxectos finalistas:  estabilidade viable e procedementos áxiles

A UVigo reformará o procedemento de contratación de persoal con cargo a financiamento finalista (proxectos competitivos e contratos art. 60) porque hoxe os tempos fan inviables proxectos curtos, consumen horas do PDI, e xeran retraballo no PTXAS.
Colectivo: , ,
Prazo:
Responsable: Vicerreitoría de Profesorado e Persoal Investigador, Xerencia

Programa Atrae Talento: captación selectiva e apoio de arranque para investigación no marco HRS4R (PDI e perfís técnicos clave)

A UVigo mellorará o programa específico para atraer e reter talento investigador e perfís técnicos clave, con criterios claros e comparables por ámbitos.
Colectivo: , ,
Prazo:
Responsable: Vicerreitoría de Profesorado e Persoal Investigador

Equipamento e servizos científico-técnicos: inventario único, mantemento, acceso e soporte compartido

A UVigo integrará nunha única política o plan e a operación dos equipos e servizos científico-técnicos para garantir o seu funcionamento continuo, a súa actualización e o seu uso eficiente en todos os campus.
Colectivo: ,
Prazo:
Responsable: Vicerreitoría de Infraestruturas, Enerxía e Mobilidade, Vicerreitoría de Investigación

Servizos de internacionalización: reforzo, coordinación e atención básica en inglés

Para que a internacionalización sexa escalable e equitativa, a UVigo precisa un sistema de servizos sólido, estable e coordinado, que acompañe mobilidade, captación e proxectos sen depender de esforzos extraordinarios individuais.
Colectivo: , ,
Prazo:
Responsable: Vicerreitoría de Oferta Académica, Xerencia

Plan integral de formación lingüística

Para que a accesibilidade e a atención en inglés sexan reais, fai falta capacidade lingüística distribuída e sostible.
Colectivo: , ,
Prazo:
Responsable: Vicerreitoría de Estudantes e Vida Universitaria, Vicerreitoría de Profesorado e Persoal Investigador, Xerencia

Alianzas estruturadas por centro

Para que a internacionalización teña escala e equidade entre centros, a UVigo impulsará un plan progresivo para que cada centro dispoña dunha alianza internacional estruturada (dobre titulación ou formato equivalente con impacto: programa conxunto, módulos conxuntos, escola internacional/certificado), cando sexa viable e sostible.
Colectivo: , ,
Prazo:
Responsable: Vicerreitoría de Oferta Académica

Mobilidade de PDI/PTXAS que abre portas

A mobilidade internacional de PDI e PTXAS é unha ferramenta clave para crear redes, mellorar a docencia, coñecer outras formas de organización e abrir oportunidades para a UVigo, pero hoxe está insuficientemente recoñecida, mal acompañada e, en demasiados casos, penalizada por axudas escasas que obrigan a asumir custos do propio peto.
Colectivo: , ,
Prazo:
Responsable: Vicerreitoría de Profesorado e Persoal Investigador

Identidade multilingüe UVigo: internacionalización con criterio e proxección atlántica

A UVigo global precisa unha identidade lingüística coherente: o galego como lingua propia e institucional, o castelán como activo de integración, e o inglés como ferramenta operativa cando achega valor académico.
Colectivo: , , ,
Prazo:
Responsable: Vicerreitoría de Estudantes e Vida Universitaria, Vicerreitoría de Oferta Académica

Despregue dun sistema de gobernanza de datos, procesos e sistemas

Implantaremos un sistema de gobernanza que asegure que ferramentas críticas evolucionan con orde. Teremos unha Vicerreitoría que garanta que a UVigo funciona con visión a medio prazo, con datos fiables, con procesos definidos e cun ecosistema dixital estable e orientado ás persoas usuarias.
Colectivo: , ,
Prazo:
Responsable: Vicerreitoría de Estratexia, Gobernanza e Economía, Xerencia

Estratexia que se executa: prioridades limitadas, despregamento en cascada e revisións con medidas correctoras

A acción de goberno debe ser guiada por un plan que informe do que e do como; a axenda non pode estar mudando por urxencias, intereses fragmentados ou demandas puntuais, sen unha conexión clara entre prioridades, recursos e resultados.
Colectivo: , , ,
Prazo:
Responsable: Vicerreitoría de Estratexia, Gobernanza e Economía, Xerencia

Cultura de integridade na toma de decisións: Código Ético activo na práctica diaria

O Código Ético da UVigo só cumpre a súa función se a comunidade o coñece e se se utiliza para orientar decisións reais. Por iso activaremos unha política de integridade institucional baseada en tres piares.
Colectivo: , , ,
Prazo:
Responsable: Secretaría Xeral, Vicerreitoría de Estratexia, Gobernanza e Economía

Sistema claro de convivencia e resolución de conflitos: competencias definidas, coordinación e garantías

A UVigo precisa un sistema accesible e coordinado para previr, canalizar e resolver conflitos de convivencia universitaria.
Colectivo: , , ,
Prazo:
Responsable: Secretaría Xeral

Contratos-programa útiles: poucos indicadores, incentivos claros e revisión anual

A UVigo xa emprega instrumentos de programación con algunhas unidades; a nosa proposta é convertelos nun mecanismo simple, comparable e executábel para orientar recursos, aliñar prioridades e reducir arbitrariedade.
Colectivo: , ,
Prazo:
Responsable: Vicerreitoría de Estratexia, Gobernanza e Economía, Xerencia

Pechar o que non se fixo: adaptación dos Estatutos á LOSU para unha UVigo máis participativa, moderna e gobernable

A UVigo necesita culminar, sen máis demoras, a aprobación dos seus novos Estatutos para adaptarse plenamente á Lei Orgánica 2/2023 do Sistema Universitario e dotarse dun marco institucional actualizado, claro e útil para a toma de decisións.
Colectivo: , ,
Prazo:
Responsable: Secretaría Xeral

Transparencia activa e datos abertos: información institucional accesible e reutilizable

A transparencia institucional non debe limitarse ao cumprimento formal da normativa, senón converterse nun instrumento real de rendición de contas e confianza pública.
Colectivo: , , ,
Prazo:
Responsable: Secretaría Xeral, Vicerreitoría de Estratexia, Gobernanza e Economía

Participación aberta nas decisións institucionais

Un modelo de gobernanza aberta require tamén instrumentos estables de participación informada da comunidade universitaria nas decisións institucionais máis relevantes.
Colectivo: , ,
Prazo:
Responsable: Secretaría Xeral, Vicerreitoría de Estratexia, Gobernanza e Economía

Gobernanza da política lingüística: metas graduais, seguimento e rendición de contas

A política lingüística da UVigo debe deixar de depender de impulsos dispersos ou de medidas sen continuidade.
Colectivo: , ,
Prazo:
Responsable: Vicerreitoría de Estratexia, Gobernanza e Economía, Vicerreitoría de Oferta Académica, Vicerreitoría de Profesorado e Persoal Investigador

Plan de simplificación normativa e administrativa

Aprobaremos un Plan de simplificación normativa e administrativa para revisar procedementos, eliminar duplicidades, reducir cargas innecesarias e facer máis áxil e comprensible o funcionamento da UVigo.
Colectivo: , ,
Prazo:
Responsable: Vicerreitoría de Estratexia, Gobernanza e Economía, Xerencia

Plan Operativo de Transformación Organizativa e Dixital (2027–2029): capacidade interna de mellora continua

Poñeremos en marcha un Plan de Transformación Organizativa e Dixital para converter a mellora de procesos nunha capacidade interna estable da UVigo.
Colectivo: , ,
Prazo:
Responsable: Vicerreitoría de Estratexia, Gobernanza e Economía

SIGMA: estabilización e evolución planificada cara unha xestión académica modular e máis controlable pola UVigo

A implantación de SIGMA resultou dunha decisión mal deseñada e peor executada: cambios concentrados, módulos simultáneos, probas insuficientes e formación claramente incompleta. O resultado foi un custo enorme en tempo, retraballo e desgaste para todos.
Colectivo: , ,
Prazo:
Responsable: Vicerreitoría de Estratexia, Gobernanza e Economía, Xerencia

Financiamento e sustentabilidade: “verdade de partida” e posición forte para o ciclo 2027–2032

Nos últimos anos medrou significativamente unha tensión estrutural orzamentaria posta de manifesto mesmo polo propio Consello Social: os gastos correntes superan os ingresos correntes, e foise consumindo aforros con remanentes e operacións puntuais.
Colectivo: , , ,
Prazo:
Responsable: Vicerreitoría de Estratexia, Gobernanza e Economía

Capacidade de execución: recuperar músculo administrativo para que o orzamento chegue a tempo ás persoas e aos servizos

As decisión organizativas e unha política de persoal no PTXAS pouco axeitada fixeron máis fráxiles os circuítos administrativos e normalizaron a infraexecución.
Colectivo: , , ,
Prazo:
Responsable: Vicerreitoría de Estratexia, Gobernanza e Economía, Xerencia

Mantemento preventivo e seguimento de incidencias

Implantarase un modelo de xestión 4.0 que integra o mantemento preventivo e a resolución áxil de incidencias.
Colectivo: , ,
Prazo:
Responsable: Vicerreitoría de Campus de Ourense, Vicerreitoría de Campus de Pontevedra, Vicerreitoría de Infraestruturas, Enerxía e Mobilidade

Estándar UVigo de aulas e estudo, conectividade robusta e xestión transparente de espazos, laboratorios e equipamento

Establecerase un estándar UVigo para aulas e espazos de estudo que garanta condicións mínimas en todos os campus: confort e uso real (iluminación, ventilación/climatización operativa, ergonomía básica e control de ruído), dotación audiovisual fiable e mantemento planificado.
Colectivo: , ,
Prazo:
Responsable: Vicerreitoría de Infraestruturas, Enerxía e Mobilidade

Auditorías enerxéticas e carteira de investimentos por fases

Realizaranse auditorías enerxéticas por campus e nos edificios de maior consumo para identificar actuacións con retorno e mellora do confort: regulación e control, axustes de operación e horarios, melloras de envolvente, substitución de equipos ineficientes e optimización de consumos.
Colectivo: , ,
Prazo:
Responsable: Vicerreitoría de Infraestruturas, Enerxía e Mobilidade

Autoconsumo solar e infraestrutura eléctrica: xeración, electrificación e puntos de recarga

Desenvolverase unha folla de ruta por campus para incrementar a autonomía enerxética e preparar a electrificación de servizos e mobilidade.
Colectivo: , , ,
Prazo:
Responsable: Vicerreitoría de Infraestruturas, Enerxía e Mobilidade

Compras verdes e residuos por fluxos: contratación responsable e economía circular operativa

Implantaranse pregos tipo para compras e contratos recorrentes (limpeza, mantemento, subministracións, equipamento e servizos) incorporando criterios ambientais e de custo de ciclo de vida: eficiencia, durabilidade, reparabilidade e redución de embalaxes e consumibles.
Colectivo: , , ,
Prazo:
Responsable: Xerencia

Mobilidade sostible e conectada “porta a porta”: itinerarios seguros, intermodalidade e conexión intercampus

Desenvolverase un Plan de Mobilidade por campus para reducir a dependencia do coche individual e mellorar a seguridade, a accesibilidade e a conexión funcional entre espazos universitarios.
Colectivo: , , ,
Prazo:
Responsable: Vicerreitoría de Infraestruturas, Enerxía e Mobilidade

Campus refuxio climático e biodiverso: renaturalización, sombra e auga con mantemento

Desenvolverase un programa por campus para converter os espazos exteriores en infraestrutura real de benestar e adaptación climática: máis sombra e confort térmico, itinerarios peonís agradables e seguros, e unha xestión da auga máis eficiente.
Colectivo: , , ,
Prazo:
Responsable: Vicerreitoría de Infraestruturas, Enerxía e Mobilidade

Campus vivo con regras: uso social de espazos, convivencia e apertura ao territorio con alianzas realistas

Establecerase un marco por campus para activar a vida no campus e a súa relación co territorio sen interferir coa actividade académica nin depender de excepcións e negociacións informais.
Colectivo: , , ,
Prazo:
Responsable: Vicerreitoría de Infraestruturas, Enerxía e Mobilidade

Servizo de Prevención reforzado e profesionalizado cun plan anual por campus

O Servizo de Prevención leva tempo funcionando con dotación axustada e continuidade irregular en funcións clave, o que limita a súa capacidade para planificar e facer seguimento de maneira visible e sistemática.
Colectivo: , ,
Prazo:
Responsable: Xerencia

Recoñecemento institucional e sentimento de pertenza á institución

Mecanismos de recoñecemento do PTXAS ligados ao servizo á comunidade universitaria, con criterios claros, visibilidade institucional e impacto na carreira profesional para reforzar o mérito, o orgullo de pertenza e a mellora continua.
Colectivo:
Prazo:
Responsable: Xerencia

Comunicación fluída e participación do PTXAS na gobernanza

Máis participación do PTXAS nas decisións e na mellora dos servizos, con canles estables de colaboración, consultas con retorno e recoñecemento efectivo da súa contribución á innovación interna.
Colectivo:
Prazo:
Responsable: Xerencia

Programa de intercambio de aloxamentos con visitas voluntarias e aprendizaxe entre servizos

Consolidación do programa de intercambio de alloxamentos universitarios como iniciativa estable, con visitas formativas, avaliación anual e repositorio de boas prácticas para mellorar os servizos.
Colectivo:
Prazo:
Responsable: Xerencia

Plan continuo de formación do PTXAS ligado á carreira, aos servizos e á dixitalización

Plan continuo de formación do PTXAS, coordinado cos itinerarios profesionais e a modernización dos servizos, con foco en carreira, mellora de procedementos, competencias dixitais, idiomas e transferencia de coñecemento interxeracional.
Colectivo:
Prazo:
Responsable: Xerencia

Canle dixital de primeira resposta e triaxe integrada cos servizos

Canle dixital de primeira resposta para orientar consultas e trámites frecuentes, reducir erros e liberar carga administrativa, sempre con información oficial actualizada e opción de derivación á atención humana.
Colectivo:
Prazo:
Responsable: Xerencia

Desconexión dixital e redución de carga administrativa: estándares de atención e eliminación de retraballo

Ordenación das comunicacións e solicitudes internas con regras claras, canle única para peticións non urxentes e medidas de simplificación administrativa para reducir interrupcións, duplicidades e carga innecesaria.
Colectivo:
Prazo:
Responsable: Xerencia

Prevención de riscos laborais e plans de autoprotección actualizados por centros e campus

Actualización das avaliacións de risco e dos plans de autoprotección con enfoque multicampus, xunto cun calendario anual de formación en PRL adaptado ao PTXAS para mellorar a prevención e a resposta práctica ante incidencias
Colectivo:
Prazo:
Responsable: Xerencia

Conciliación corresponsable: transparencia, equidade entre campus e unidades, e mellor organización do tempo

Marco común de organización do tempo e conciliación, con regras claras, análise de cargas, criterios transparentes de flexibilidade e adaptación temporal para avanzar cara a unha universidade máis previsible, equitativa e compatible cos coidados.
Colectivo: ,
Prazo:
Responsable: Xerencia

Flexibilidade responsable e teletraballo nas unidades que sexa viable

Política de traballo flexible e teletraballo estendida ás unidades onde sexa viable, con regras claras, control por obxectivos e medidas de conciliación que eviten desigualdades entre campus e servizos.
Colectivo:
Prazo:
Responsable: Xerencia

Plan de Ordenación de Recursos Humanos: previsión, equidade e control

Plan de Ordenación de Recursos Humanos do PTXAS con planificación anual, criterios públicos, mobilidade interna máis clara e seguimento de vacantes e cargas para mellorar a resposta, a equidade e o control en toda a UVigo.
Colectivo:
Prazo:
Responsable: Xerencia

Cobertura de vacantes e dimensionamento: fin do “apagar lumes” como norma

Cobertura proactiva de vacantes e mellor dimensionamento dos equipos, con mapa de unidades críticas, prazos máximos de resposta e sistemas máis áxiles e obxectivos para evitar sobrecarga e improvisación.
Colectivo:
Prazo:
Responsable: Xerencia

RPT estratéxica e organigrama funcional: do mapa do pasado ao modelo de servizos do futuro

Revisión integral e por fases da RPT para adaptar funcións, perfís e unidades ás novas necesidades da UVigo, clarificar responsabilidades e impulsar unha organización máis profesional, coherente e orientada ao futuro.
Colectivo:
Prazo:
Responsable: Xerencia

Garantías e xustiza profesional para o persoal interino

Planificación áxil do emprego público e da selección temporal no PTXAS, con convocatorias periódicas, normativa máis clara, sistema dixital de chamamento e procesos de acceso máis transparentes e axustados ás funcións.
Colectivo:
Prazo:
Responsable: Xerencia

Carreira profesional: implantación sostida que garanta o relevo xeracional

Implantación sostida da carreira profesional do PTXAS, con procesos máis áxiles e transparentes, concurso aberto e permanente, avaliación do desempeño con garantías e reforzo da xestión de recursos humanos para facer a progresión máis xusta e motivadora.
Colectivo:
Prazo:
Responsable: Xerencia

Promoción e itinerarios profesionais

Definición de itinerarios e perfís profesionais do PTXAS, con matriz de competencias, criterios públicos e calendarios de promoción, para reducir arbitrariedade e facilitar carreiras máis claras, motivadoras e coherentes.
Colectivo:
Prazo:
Responsable: Xerencia
Volver ás propostas