Para que a internacionalización sexa escalable e equitativa, a UVigo precisa un sistema de servizos sólido, estable e coordinado, que acompañe mobilidade, captación e proxectos sen depender de esforzos extraordinarios individuais.
A medida impulsa un plan de estabilización e profesionalización (coa cautela orzamentaria necesaria) que, no primeiro ano, definirá un catálogo de servizos e responsabilidades, prazos orientativos e canles únicas de atención; estandarizará modelos e procedementos (checklists, formularios e seguimento de expedientes) para reducir retraballo; e establecerá coordinación formal con unidades clave (centros, estudantado, investigación, xerencia e comunicación) mediante puntos de enlace e revisión periódica.
En paralelo, desenvolverase un plan progresivo para garantir atención básica en inglés nos puntos de contacto con maior demanda internacional, con materiais estándar, apoio á comunicación, itinerarios de capacitación e recoñecemento/incentivos nos postos onde o idioma sexa funcional.