A UVigo actualizará o seu marco de participación e retorno en spin-offs para facelo máis claro e proporcional, reducindo incerteza para equipos fundadores e socios externos, e evitando negociacións “caso a caso” que atrasan ou bloquean proxectos.
A medida establecerá unha política de termos por defecto (participación, dereitos, deberes, uso de marca/infraestruturas, conflitos de interese e gobernanza) e un criterio central: a contribución da universidade debe reflectir o valor aportado (PI/licenza, infraestrutura crítica, apoio técnico-xurídico, fondos PoC), diferenciando por intensidade de PI e custo (p.ex. deep-tech con patentes e laboratorio vs. software/datos con menor infraestrutura). Isto facilitará “primeiros pasos” e investimento inicial sen renunciar ao interese público nin á rendición de contas. Os termos por defecto incluirán tamén gobernanza e integridade: prevención e xestión de conflitos de interese, compatibilidades, uso de marca e infraestruturas, acceso a espazos e equipos, e regras de transparencia nas decisións que afecten á universidade.
A política incluirá trazabilidade do destino dos retornos e revisión periódica con datos de desempeño (supervivencia, emprego, licenzas, colaboracións), para asegurar equidade e evitar arbitrariedades.