A UVigo organizará a súa incubadora de proxectos e os seus pilotos de innovación como un sistema en rede, para que o emprendemento e a transferencia non rematen nun evento nin nun “pitch”, e para evitar crear estruturas duplicadas ás xa existentes no ecosistema.
A medida establece tres compoñentes operativos: (1) Crearase un itinerario de acceso claro para proxectos, con criterios simples, regras de uso e custos transparentes para acceso a laboratorios/talleres, plataformas e recursos. (2) Activarase un mecanismo anual de retos e pilotos co tecido produtivo e co sector público orientado a probar solucións en contorna real. Non é un hackathon; son pilotos con obxectivos definidos, responsabilidades claras e un paquete lixeiro de soporte nos puntos críticos (acordos, PI cando aplique, requisitos, seguridade, acceso a datos/espazos). As “portas de saída” quedarán definidas desde o inicio (adopción por unha entidade, piloto/contrato, mellora dun servizo público, licenza, ou creación de empresa cando corresponda). (3) A partir dun certo nivel de madurez, estableceranse pasarelas con gobernanza compartida con incubadoras/aceleradoras e socios xa operativos para mentorización empresarial, acceso a clientes e escalado.
A UVigo non competirá cos seus socios: ordenará o fluxo e derivará a outras entidades cando proceda. O sistema incorporará seguimento 12–24 meses con métricas sinxelas de progreso (pilotos executados, adopción, primeiros clientes/servizos, emprego, licenzas/colaboracións).