Desenvolveremos itinerarios formativos específicos en competencias dixitais e de intelixencia artificial para PDI e estudantado, co obxectivo de facer posible unha aplicación efectiva do marco común de uso da IA e das novas metodoloxías docentes.

A UVigo precisa recuperar un sistema de enquisas docentes útil, crible e orientado á mellora real da docencia.

Impulsaremos unha transformación progresiva das prácticas docentes para favorecer metodoloxías que poñan o foco na aprendizaxe activa, no traballo aplicado e no desenvolvemento de competencias reais, como proxectos, retos, casos ou procesos continuos ao longo do curso.

Estableceremos un marco académico común da UVigo para o uso da intelixencia artificial na docencia que fixe principios e criterios mínimos compartidos en todas as titulacións, evitando respostas desiguais entre materias e centros.