Todas as
persoas,
un proxecto

Escríbeme

Medidas

Transformación: Unha experiencia estudantil completa

Medidas · Transformación: Unha experiencia estudantil completa

Prácticas externas de calidade e ponte efectiva ao emprego en sectores tractores e por campus

Marco común de calidade para as prácticas externas en toda a UVigo, con máis transparencia, mellor titorización e conexión cos sectores estratéxicos de cada campus para reforzar a empregabilidade e a transición ao primeiro emprego.
Colectivo:
Prazo:
Responsable: Vicerreitoría de Estudantes e Vida Universitaria, Vicerreitoría de Transferencia, Innovación e Impacto Social

Programa institucional de microcredenciais transversais: certificación UVigo e equidade entre campus

Programa institucional de microcredenciais transversais con formación curta e certificable en competencias clave, accesible en todos os campus, para reforzar a formación integral e mellorar a empregabilidade.
Colectivo:
Prazo:
Responsable: Vicerreitoría de Estudantes e Vida Universitaria, Vicerreitoría de Oferta Académica

Participación estudantil con retorno: consulta e resposta institucional

Mecanismos de participación estudantil con retorno real, seguimento público e compromisos de resposta, para que as achegas teñan efecto visible e se reduzan a frustración e as desigualdades entre centros.
Colectivo:
Prazo:
Responsable: Secretaría Xeral, Vicerreitoría de Estudantes e Vida Universitaria

Asociacionismo e liderado estudantil: microfinanciamento, formación, redes e recoñecemento

Microfinanciamento e apoio ao liderado estudantil para impulsar asociacións, proxectos con impacto e participación en redes interuniversitarias, cun sistema común e transparente de recoñecemento académico e institucional.
Colectivo:
Prazo:
Responsable: Vicerreitoría de Estudantes e Vida Universitaria

Orientación xurídica básica para estudantes: vivenda, prácticas e autonomía

Servizo de orientación xurídica básica para estudantes sobre vivenda, contratos, prácticas e outras cuestións habituais, con enfoque preventivo, implantación progresiva e posible apoio dunha clínica xurídica universitaria.
Colectivo:
Prazo:
Responsable: Secretaría Xeral, Vicerreitoría de Estudantes e Vida Universitaria

“Avaliación auténtica” e integridade académica na era da IA

Normas comúns sobre integridade académica e uso responsable da IA, xunto con avaliacións máis aplicadas e menos memorísticas, para garantir claridade, xustiza e protección do esforzo real do estudantado.
Colectivo:
Prazo:
Responsable: Vicerreitoría de Docencia e Transformación Educativa

Mobilización estudantil con cobertura: paro académico con preaviso proporcionado, vía excepcional e garantías académicas

Actualización do Regulamento de estudantes para que a mobilización estudantil teña cobertura real, con paro académico máis viable, guía operativa única e garantías fronte a penalizacións inxustas.
Colectivo:
Prazo:
Responsable: Secretaría Xeral, Vicerreitoría de Estudantes e Vida Universitaria, Xerencia

Accesibilidade e inclusión como dereito: apoio coordinado e gabinete psicopedagóxico reforzado

Servizo estable de orientación e apoio psicopedagóxico para garantir inclusión real, con procedemento único, resposta en prazo, acompañamento ao estudantado e estándares comúns de adaptación docente e accesibilidade dixital.
Colectivo:
Prazo:
Responsable: Vicerreitoría de Estudantes e Vida Universitaria, Xerencia

Convivencia e campus seguro: prevención estable, ruta única de axuda e resposta profesional

Plan estable de convivencia e prevención fronte a violencias e condutas de risco, con diagnósticos periódicos, ruta única de acceso á axuda e protocolos máis áxiles para mellorar a seguridade real e percibida no campus.
Colectivo:
Prazo:
Responsable: Secretaría Xeral, Vicerreitoría de Estudantes e Vida Universitaria, Xerencia

Comedores, cafetarías e espazos comúns con modelo sostible e calidade de servizo

Reordenaremos comedores/cafetarías e espazos comúns para corrixir dispersión, perdas e servizos con funcionamento irregular (horarios e aperturas non estables, cambios frecuentes na oferta e ausencia de información unificada). Consolidarase un modelo sostible con regras claras de prezos, horarios e estándares de servizo
Colectivo:
Prazo:
Responsable: Xerencia

Biblioteca como “Casa do Estudante”: estudo, pertenza e comunidade

Reforzarase a rede de bibliotecas da UVigo como infraestrutura académica central, transformándoas en espazos abertos e versátiles que combinen estudo individual e traballo en grupo, con melloras por fases en acústica, confort, distribución e accesibilidade.
Colectivo:
Prazo:
Responsable: Vicerreitoría de Estudantes e Vida Universitaria, Vicerreitoría de Infraestruturas, Enerxía e Mobilidade, Xerencia

Menos voltas: trámites simples, resposta en prazo e seguimento claro

Reduciremos a carga administrativa que soporta o estudantado e evitaremos a “peregrinación” entre unidades.
Colectivo:
Prazo:
Responsable: Secretaría Xeral, Vicerreitoría de Estratexia, Gobernanza e Economía, Xerencia

Plan de vida universitaria: programación estable, transporte útil, deporte e identidade compartida

Recuperaremos unha vida universitaria real e sostida, cunha programación estable coordinada con asociacións e delegacións estudantís (eventos, cultura, encontro e comunidade).
Colectivo:
Prazo:
Responsable: Vicerreitoría de Campus de Ourense, Vicerreitoría de Campus de Pontevedra, Vicerreitoría de Estudantes e Vida Universitaria

Campus habitables: espazos de estudo, accesibilidade e vida universitaria

Melloraremos espazos e servizos clave para a experiencia diaria do estudantado: espazos de estudo e aprendizaxe, accesibilidade universal e zonas de encontro e participación.
Colectivo:
Prazo:
Responsable: Vicerreitoría de Campus de Ourense, Vicerreitoría de Campus de Pontevedra, Vicerreitoría de Infraestruturas, Enerxía e Mobilidade
Volver ás propostas